ஒரு இருட்டு அறை

ஒரு இருட்டு அறை

அது நம்மை முழுமையாக விழுங்கி விடுகிறது,
அவ்வளவு எளிதாக நம்மை வசப்படுத்துகிறது,
நமக்கு தேவையான ஏதோ ஒன்றை தருவது போல நம்மை ஏமாற்றுகிறது,
சில நேரங்களில் தவறுகளை செய்வதற்கு ஏதுவான இடமாகி விடுகிறது,

ஒரு இருட்டு அறையில்

முனகல் சத்தங்கள் கேட்கிறது,
ஒரு அழுகுறல் கேட்கிறது,
ஒரு கடத்தப்பட்ட குழந்தையின் கதறல் கேட்கிறது,
சில பூச்சிகளின் கிரீச் சத்தம் கேட்கிறது,
அதன் வாசனை ஒரு பயத்தை ஏற்படுத்துகிறது,

ஒரு இருட்டு அறையால்

பல பசிகள் தீர்க்கப்படுகிறது,
ஒரு கடத்தல் கும்பல் சில மாதங்களுக்கு நிம்மதியாய் வாழ முடிகிறது,
மந்திரவாதிகள் பேய் கதை சொல்லி பிழைக்க ஏதுவாகிறது,

இந்த இருட்டு அறையில் ஜன்னல்கள் கிடையாது,
கதவுகள் வெளிப்பக்கமாக தாழிடப்பட்டுள்ளது,இங்கு வெளிச்சம் எப்படி வரப்போகிறது என்றே தெரியவில்லையே என்று உள்ளிருப்பவர்கள் தங்கள் கண்களை மூடிக்கொண்டே இருக்கின்றனர்...